Mill-azzjonijiet tiegħu tkun taf x'inhu bniedem.
It-twal tajbin għall-ħatab.
Nies twal u mibnija ġieli jkollhom karattru fjakk, u għalhekk ma jservu għal xejn.
Kategoriji: il-karattru
Iddur kemm iddur in-naħla lejn l-għasel tmur.
Kulħadd l-interessi tiegħu jara.
Il-bniedem ma tafux qabel iġġarrbu.
Issir taf lil xi ħadd tassew meta tagħmilha miegħu.
Kulħadd ikollu xi imma.
Kulħadd lejn l-interessi tiegħu jħares.
Hemm min hu tqil biex jgħid kelma u ħafif biex jaqla’ bħalha.
Ġieli jkunu dawk li taħseb huma kwieti li jaqilgħu l-qlajjiet.
Il-lupu jbiddel sufu u mhux għemilu.
Bniedem ħażin jipprova jagħtik x'tifhem li nbidel, iżda fil-fond ta' qalbu ħażin jibqa'.
Il-bniedem ma tafux qabel ma tkun kilt modd melħ miegħu.
Issir taf lil xi ħadd tassew meta tagħmilha miegħu. Modd huwa kejl.
Kulħadd ifittex isammar musmaru.
Kulħadd lejn l-interessi tiegħu jħares.
Dak li jwiegħed wisq ma jagħti xejn.
Min jagħmillek ħafna wegħdiet ibża' minnu għax kollha fil-vojt.
Kutu kutu qrunu f’butu.
Tafdax lil min taħsbu kwiet, għax jaf jittradik.
Il-bniedem ma tafux qabel iġġarrbu.
Issir taf lil xi ħadd tassew meta tagħmilha miegħu.
Kull min jerfa’ abtu jsib xi jxomm.
Kulħadd għandu xi difett x'jaħbi.
Ebda saba’ ma jixbah lill-ieħor.
Kulħadd għandu karattru u opinjonijiet differenti.
Il-ħarsa ġġib il-kelma u r-ruħ taqa’.
L-attrazzjoni sesswali tibda b'ħarsa, tkompli b'kelma, u fl-aħħar taqa' fit-tentazzjoni.
Kull kalanka port.
Xorta għalija, mhix ser tagħmilli differenza. Kalanka tirreferi għal daħla dejqa fuq il-baħar.
Dak li jistenna li l-bajtar jaqa’ f’ħalqu, jibqa’ bil-ġuħ.
Irid ikollok sens ta' inizjattiva, inkella qatt ma jsir xejn.
Għalhekk il-baqra tinbiegħ kollha, għax min irid rasha u min irid denbha.
Kulħadd bil-fehmiet u l-gosti tiegħu, dak li hu bla valur għal xi ħadd jista' jkun ta' preġju f'għajnejn xi ħaddieħor.
Kulħadd b’xi lula, sal-qamar ta’ belula.
Kollha kemm aħna għandna xi difett (= lula), mill-iżjed bniedem intelliġenti sal-aktar wieħed baħnan (= il-qamar ta' belula).
Il-qalb ħanina tmut miskina.
Min ikun wisq qalbu tajba jbati, għax in-nies jagħmlu bih li jridu.
Il-ħarir u l-imsielaħ iħaxwxu.
Min jilbes biex mingħalih jimpressjona jiġbed l-istess attenzjoni ta' xkupa (= imselħa, pl. imsielaħ) tħaxwex.
Biex tiskonġra trid tkun pur.
Ara li jekk ser tikkritika lil ħaddieħor fuq xi difett ma jkollokx inti stess l-istess difett. Tiskonġra tfisser teżorċizza.