Min ma jistħix u jagħmel wiċċu jieħu li jrid.
Inbid inbidejn minn raġel jagħmel tnejn.
Meta jieħdok ix-xorb, l-affarijiet ma tibqax tarahom sew. Inbidejn tfisser żewġ tazzi nbid (u aktar).
Kategoriji: il-vizzju
Il-Malti tikrilux b’żewġ sulari għax minn hemm fuq jaf jobżoqlok.
Il-Malti ma jurix apprezzament għal li tagħmel miegħu.
L-imgħajjar jgħajjar.
Jgħajjar lil ħaddieħor bid-difetti tiegħu stess.
Mhux dik li tikxef id-dublett biss tissejjaħ qaħba.
In-nies diżonesti kullimkien issibhom, anke min mingħalik mhux t'hekk.
Inbid fl-ilma jitlef kilma, inbid pur jitlef l-unur. Titfgħu f’żaqqek jitla’ f’rasek, tratti tagħmel ta’ miġnun.
Tixrobx iżżejjed għax ix-xorb iġiegħlek iġġib ruħek ta' miġnun. Jitlef kilma tfisser jitlef togħmtu.
Lanqas il-bajtar m’għadu jagħmel irġiel.
Daż-żmien m'għadekx issib raġel fuq l-irġiel u mara fuq in-nisa.
Ħuġġieġa tat-tiben fis-siegħa u l-ħin tintefa.
Bniedem li taqbiżlu malajr jagħmel ħafna kjass, iżda ma jdumx ma jgħaddilu.
Kif trabbi fiċ-ċkunija, issibu fix-xjuħija.
Dak li tkun drajt bih minn ċkunitek jibqa' miegħek ħajtek kollha.
“Jaħraq dinha l-għaġla,” qalet il-fekruna xħin telgħet tarġa u waqgħet tnejn.
Il-fekruna tagħmel li għandha tagħmel minkejja kollox, u bl-istess mod il-bniedem għandu jaħdem u ma jitgħażżinx.
Jekk int ċawla tippruvax tagħmilha ta’ seqer.
Tippruvax mingħalik timpressjona u tkun aħjar milli verament int.
It-tbajja’ li nitwieldu bihom ma jmorru qatt.
Il-vizzji li nitwieldu bihom diffiċli ħafna neħilsu minnhom għalkollox.
L-akbar trux min ma jridx jisma’.
Min ma jridx jisma' jkollu jbati l-konsegwenzi tar-ras iebsa tiegħu.
La tħammiġx fejn ixommuh in-nies.
Tikxifx id-difetti tiegħek u l-ħażin li tagħmel.
Ħalli ‘l ħaddieħor ifaħħrek.
Kun umli u tiftaħarx, ħalli lil ħaddieħor ifaħħrek minn jeddu.
Ma’ min rajtek xebbahtek.
Il-karattru tal-kumpanija li tagħmilha magħha jirrifletti l-karattru tiegħek stess.
Ħatab wisq għan-nar tajjeb.
Min ikun twil iżda jibża' minn kollox, xorta mhu tajjeb għal xejn.
Dak li ma jidħolx fi mnieħrek ħa jidħol fi mnieħer nannuk.
Ħu ħsieb tal-affarijiet tiegħek u tilħaqx salib ħaddieħor.
Kulħadd kif inhu magħġun.
Kulħadd bil-karattru tiegħu, bit-tajjeb u l-ħażin b'kollox.
L-għira tan-nies iġġib mibegħda bla qies.
L-għira hija sors ta' mibegħda bejn in-nies.
Ħadd mhu bħal ħaddieħor.
Kulħadd għandu karattru differenti.
Il-borża tal-beżżiegħ la timtela u lanqas tifriegħ.
Min jibża' jispiċċa qatt ma jagħmel xejn fid-dinja. Tifriegħ tfisser titbattal.