Kulħadd għandu l-karattru tiegħu, kemm fuq livell individwali kif ukoll fuq livell ta' familja.
Ħu l-fama u mur orqod.
Ħu ħsieb tar-reputazzjoni tiegħek għax darba titlifha.
Kategoriji: il-karattru
Inbid ġewwa, irqad barra.
Meta tixrob u tisker, aħjar tiġi f'sensik qabel ma tmur lura d-dar.
Il-paraguni dejjem odjużi.
Toqgħodx tqabbel lilek innifsek ma' ħaddieħor għax tgħix indannat.
Kull kalanka port.
Xorta għalija, mhix ser tagħmilli differenza. Kalanka tirreferi għal daħla dejqa fuq il-baħar.
Fejn jidħlu l-interessi m’hemmx permessi.
Kulħadd fih innifsu jaħseb.
Il-ġahri għalxejn tgħidlu jħares sewwa għax ħażin jibqa’ jħares.
Il-karattru ta' xi ħadd diffiċli ħafna tbiddlu. Ġahri tfisser werċ.
L-ewwel tidrobni, imbagħad iddewwini.
Min hu wiċċ b'ieħor l-ewwel jagħmillek il-ħsara, imbagħad jipprova jintgħoġob.
Ħatab wisq għan-nar tajjeb.
Min ikun twil iżda jibża' minn kollox, xorta mhu tajjeb għal xejn.
Kull tajra tifraħ b’rixa.
Kulħadd jiftaħar b'dak li għandu.
Il-qalb ħanina tmut miskina.
Min ikun wisq qalbu tajba jbati, għax in-nies jagħmlu bih li jridu.
Kajman u kutu iżda qrunu dejjem f’butu.
Tafdax lil min taħsbu kwiet, għax jaf jittradik.
Kulħadd żommu ta’ li hu.
Qis lil kulħadd skont il-karattru tiegħu u kif iġib ruħu.
Il-kburija titkeċċa bl-umiltà.
Min jaħseb li hu xi ħaġa jeħtieġ li jitgħallem japprezza l-valur tal-umiltà.
Kieku l-forn jara ħotobtu, ma kienx jaħmi ħobżu.
Tidħaqx bid-difetti ta’ ħaddieħor għax id-difetti tiegħek huma ferm akbar.
Kull min jerfa’ abtu jsib xi jxomm.
Kulħadd għandu xi difett x'jaħbi.
L-akbar trux min ma jridx jisma’.
Min ma jridx jisma' jkollu jbati l-konsegwenzi tar-ras iebsa tiegħu.
Kulħadd gostih.
Il-gosti jvarjaw skont il-persuna.
Kull tajra tifraħ b’rixa.
Kulħadd jiftaħar b'dak li għandu.
Għal kull ħatba hawn mannara.
Toqgħodx taħseb li inti aħjar minn ħaddieħor, għax malajr issib lil xi ħadd eżatt bħalek.
Dak li jwiegħed wisq ma jagħti xejn.
Min jagħmillek ħafna wegħdiet ibża' minnu għax kollha fil-vojt.
L-għajjur bil-ġuħ imut.
In-nies għajjurin bla sodisfazzjon jibqgħu.