Min jirbaħ fil-logħob tal-azzard ikun qed jissogra ħafna, aħseb u ara min jitlef.
Il-ħalliel jgħajrek qabel ma tgħajru int.
Biex ma jinqabadx, il-ħalliel iwaħħal fik qabel twaħħal inti fih.
Ħsieb il-buttar fejn se jqiegħed iċ-ċirku.
Kulħadd l-interessi tiegħu jara.
Ħalli ‘l kulħadd jerfa’ salibu.
Tindaħalx fl-affarijiet ta' ħaddieħor.
Il-qassis temmnux ħlief fil-quddiesa.
Bħalma qassis jista' jġib ruħu mod ieħor minn dak li jippritkalek waqt il-quddiesa, hekk ukoll in-nies l-oħra.
Ħu l-fama u mur orqod.
Ħu ħsieb tar-reputazzjoni tiegħek għax darba titlifha.
Il-korla ta’ filgħaxija ħalliha għal filgħodu.
Tiħux deċiżjonijiet mgħaġġla meta tkun irrabjat, stenna sakemm tikkalma.
Bis-saħħa tal-għarusa tiżfen il-qattusa.
Hemm min japprofitta ruħu mis-sitwazzjoni meta tiġih l-okkażjoni.
Il-lupu jbiddel sufu u mhux għemilu.
Bniedem ħażin jipprova jagħtik x'tifhem li nbidel, iżda fil-fond ta' qalbu ħażin jibqa'.
Arani u la tmissnix.
L-apparenza ta' persuna jaf tkun sabiħa, iżda l-karattru ma jkunx sabiħ għax tkun imkabbra biha nfisha.
Islifni wiċċek ħa naħmi bih.
Qed titlobni ħafna, tkunx wiċċek tost.
Il-ħalliel għomru qasir.
Min jisraq ma jdumx ma jinqabad.
Isqini u wara staqsini.
Min jixrob jispiċċa jikxef dak li ma jixtieqx.
In-nies ta’ daż-żmien huma nies tal-isem.
Ħadd m'għadu jġib ruħu ta' nies daż-żmien, ma tista' tafda lil ħadd.
Ebda saba’ ma jixbah lill-ieħor.
Kulħadd għandu karattru u opinjonijiet differenti.
Il-forn li jara ħotobtu ma jsajjarx ħobżu.
Tidħaqx bid-difetti ta’ ħaddieħor għax id-difetti tiegħek huma ferm akbar.
L-għabra tgħajjar liż-żagħruna.
Xi nies jgħajru lil ħaddieħor bid-difetti tagħhom stess. Għabra tfisser trab u ż-żagħruna hija tip ta' pjanta (Crataegus monogyna).
Iddur kemm iddur in-naħla lejn l-għasel tmur.
Kulħadd l-interessi tiegħu jara.
Il-ftaħir qatt ma għamel nies.
Imbilli tiftaħar ma jfissirx li inti rispettabbli.
Il-Malti tikrilux b’żewġ sulari għax minn hemm fuq jaf jobżoqlok.
Il-Malti ma jurix apprezzament għal li tagħmel miegħu.
In-nies ma tixxibahx u kulħadd fehmtu.
Kulħadd bil-fehmiet u l-gosti tiegħu.
