Kollha kemm aħna għandna xi difett.
Dak li jistenna li l-bajtar jaqa’ f’ħalqu, jibqa’ bil-ġuħ.
Irid ikollok sens ta' inizjattiva, inkella qatt ma jsir xejn.
Kategoriji: il-frott | il-karattru
Giddieb darba, giddieb dejjem.
Min jinqabad fil-gideb imqar darba jieħu l-fama ta' giddieb u ħadd ma jemmnu iżjed.
Doqq lill-qattusa biex tiżfen l-għarusa.
Għamel xi ħaġa biex tidher mod, meta l-intenzjonijiet tiegħu kienu mod ieħor.
Bniedem dagħaj ftit idum ħaj.
Bniedem li għandu l-vizzju tad-dagħa jġib is-saħta fuqu nnifsu u jgħix ftit.
Il-qanfud, qanfud ieħor missieru.
Nirtu l-karattru tagħna mill-ġenituri tagħna, m'hemmx mod ieħor.
Min jigdeb u jobgħod, jagħmel deni lilu nnifsu u lil min jemmnu.
Min jigdeb u jaqla' l-qlajjiet jagħmel ħsara kbira lilu nnifsu u lil ta' madwaru.
Fuq ġebla waħda jibni sur.
Qed jgħid affarijiet wisq esaġerati biex jitwemmnu.
Ix-xemx minn filgħodu turik x’ġej.
Minn filgħodu tinduna x'tip ta' ġurnata se tkun. Bl-istess mod, it-tfal minn ċkunithom juruk x'karattru għandhom.
L-għajnejn huma t-twieqi tal-qalb.
L-għajnejn espressivi u juru x'hemm f'qalb persuna.
Dak tiegħu tiegħu u tan-nies tiegħu wkoll.
Il-bniedem egoist irid kollox, anke ta' ħaddieħor.
Illum baram lil wieħed, għada jiftel lill-ieħor.
Qatt m'għandek tafda bniedem ħażin. Jiftel hawn tfisser iqarraq.
Kull min jiekol il-ħobż għad mhux qaddis.
Anke l-iżjed nies twajba xi darba jagħmlu żball.
Iż-żaqq aktar ma tagħtiha aktar trid.
Aktar ma tiekol, aktar jagħtik aptit li tkompli tiekol, għalhekk importanti l-moderazzjoni.
Ħsieb il-buttar fejn se jqiegħed iċ-ċirku.
Kulħadd l-interessi tiegħu jara.
Il-qanfud, qanfud ieħor missieru.
Nirtu l-karattru tagħna mill-ġenituri tagħna, m'hemmx mod ieħor.
Ir-ross jittiekel biċ-ċappa mhux bil-labra.
Uża moħħok u tħallix min jidħaq bik.
It-tebqat tal-ħorġa jintefgħu wara d-dahar.
Faċli ħafna tara d-difetti ta' ħaddieħor minflok tiegħek.
Iż-żaqq aktar ma tagħtiha aktar trid.
Aktar ma tiekol, aktar jagħtik aptit li tkompli tiekol, għalhekk importanti l-moderazzjoni.
Lil min tħobbu u tamah, dak li jagħmel ma tarahx.
Ġeneralment ma narawx id-difetti ta' min inkunu nħobbu. Tamah huwa sinonimu ta' tħobbu.
Il-bniedem ma tafux qabel iġġarrbu.
Issir taf lil xi ħadd tassew meta tagħmilha miegħu.
L-għira ddur mad-dwejra.
Min jgħir għalik il-ħin kollu għassa tiegħek ħalli jara x'inti tagħmel.