Min ikun inkwetat jaqta' l-aptit u bilkemm jiekol.
Kulma jkollok għall-inkwiet.
Kollox fil-ħajja joħloqlok l-inkwiet, tista' ma tara xejn.
Kategoriji: l-inkwiet
Karta bil-ġmied iġġib il-ġlied.
It-testment (= karta bil-ġmied) dejjem joħloq ħafna problemi bejn il-werrieta.
Il-ħabs mimli bl-innoċenti u l-kannierja bil-kaġuni.
Hemm min l-ewwel jaqla' l-inkwiet imbagħad jgħid li ma kienx tort tiegħu, bħal xi ħadd li jgħid li spiċċa l-ħabs bla ħtija imma li l-vittma tiegħu tkun spiċċat fil-kannierja (post fejn kien jintefa' l-għadam tal-mejtin).
Id-demla tfaqqas id-dmiemel.
Ftit inkwiet isir ħafna inkwiet jekk ma tiħux ħsieb. Demla (pl. dmiemel) tfisser ulċera.
Fejn tidħol il-għajn bil-għawġ sigħajn.
Superstizzjoni: min jgħajjen joħloq l-inkwiet.
Il-qaħba ruħha dejjem imsaħħba.
Il-prostituti jagħmlu xogħol li jwassal għall-inkwiet.
La kull hemm jhemm u la kull semm isemm.
Il-problemi fil-ħajja huma sors ta' tagħlim. Hemm tfisser ħsara u jhemm huwa verb li jfisser tagħmel ħsara. Semm tfisser velenu u jsemm huwa verb li jfisser tivvelena. Mela mhux kull ħsara tagħmel ħsara u mhux kull velenu jivvelena.
Biex bniedem ma jkollux inkwiet f’ħajtu hemm bżonn li ma jitwelidx.
L-inkwiet parti mill-ħajja.
L-għali jiġi waħdu.
Qatt ma tobsor meta l-inkwiet jiġi fuqek.
Għaddi ‘l bogħod minn min ikisser il-ħatab, miż-żebbiegħ u mill-bajjad.
Jekk tmiss ma' ċertu tip ta' nies tispiċċa fl-inkwiet.
Ħeles mill-miżieb u weħel fil-qattara.
Ma ħelishiex: irnexxielu jegħleb biċċa inkwiet, biex issa reġa' sab inkwiet ieħor ma' wiċċu.
Meta t-titwib hu għali għali, jew il-ħall ħażin jew il-botra għali.
Superstizzjoni li meta tittewweb b'ħalqek miftuħ, sinjal li tkun ser tiġri xi ħaġa kerha jew ikun ġej xi korriment (= botra) fit-tqala.
Blata mxebbgħa tnixxi.
Min ikun qed jinkwieta jasal punt fejn jiftaħ qalbu ma' xi ħadd.
La l-għoqda tasal fil-moxt, jew tinqata’ l-ħajta jew tinkiser is-sinna.
Kull biċċa inkwiet teskala sat-tali punt li l-affarijiet ikollhom jew imorru f'ċerta direzzjoni jew f'oħra.
Jekk il-pest irid fils minnek, tnejn agħtih inkella jieħdok.
Żomm 'il bogħod minn min iħobb jaqla' l-inkwiet. Pest hija l-marda tal-pesta u fils huwa tip ta' munita antika.
Għasfur li jħobb jiġġerra, jew għad jagħli jew jisferra.
L-inkwiet iġġibux b'idejk.
Il-qaħba ruħha dejjem imsaħħba.
Il-prostituti jagħmlu xogħol li jwassal għall-inkwiet.
Fejn tara l-għajn ħażina terġax tmur.
Evita li tmur fejn diġà taf li ser issib l-inkwiet.
La l-għoqda tasal fil-moxt, jew tinqata’ l-ħajta jew tinkiser is-sinna.
Kull biċċa inkwiet teskala sat-tali punt li l-affarijiet ikollhom jew imorru f'ċerta direzzjoni jew f'oħra.
In-nar minn xrara jieħu.
L-inkwiet minn affarijiet żgħar jibda.
Id-demla tfaqqas id-dmiemel.
Ftit inkwiet isir ħafna inkwiet jekk ma tiħux ħsieb. Demla (pl. dmiemel) tfisser ulċera.