Warrab meta tara li ġej l-inkwiet.
Id-dinja tilgħab magħha u tirbaħlek.
Id-dinja fiha ħafna inkwiet u problemi li għalkemm nagħmlu li nistgħu niex niqfulhom, fl-aħħar mill-aħħar xorta nispiċċaw telliefa.
Is-swied il-qalb qatel bosta nies.
L-inkwiet u d-dwejjaq kapaċi jkollhom effett ikrah ħafna fuq il-bniedem, li jista' saħansitra jwassal għall-mewt.
Il-ħabs mimli bl-innoċenti u l-kannierja bil-kaġuni.
Hemm min l-ewwel jaqla' l-inkwiet imbagħad jgħid li ma kienx tort tiegħu, bħal xi ħadd li jgħid li spiċċa l-ħabs bla ħtija imma li l-vittma tiegħu tkun spiċċat fil-kannierja (post fejn kien jintefa' l-għadam tal-mejtin).
Id-dinja kollha kuntrarju.
L-inkwiet parti mill-ħajja.
Kulma jkollok għall-inkwiet.
Kollox fil-ħajja joħloqlok l-inkwiet, tista' ma tara xejn.
Aħjar tħawwad moħħok minn soddtok.
Solvi l-problemi qabel ma tmur torqod.
Kulħadd iħoss tiegħu.
Kulħadd l-inkwiet tiegħu jara, mhux tal-oħrajn.
B’mitt elf sena ħsieb ma tixtrix galletta.
L-inkwiet ma jwasslek imkien.
Id-dinja hekk imqassma: lil dan is-sliem, lil dak il-ħrieb u lilna l-hemm.
Trid taċċetta li l-inkwiet parti mill-ħajja. Ħrieb tfisser inkwiet u hemm tfisser għawġ.
Ibża’ minn min hu battal.
Xi ħadd li ma jkollux x'jagħmel warrablu, għax malajr iġibek fl-inkwiet.
L-għali bigħu mhux ixtrih.
L-inkwiet teħles minnu trid, mhux tistiednu.
Għaddi ‘l bogħod minn min ikisser il-ħatab, miż-żebbiegħ u mill-bajjad.
Jekk tmiss ma' ċertu tip ta' nies tispiċċa fl-inkwiet.
Kulħadd salibu.
Kulħadd għandu l-inkwiet tiegħu ma' xiex iseffaq wiċċu.
Id-demla tfaqqas id-dmiemel.
Ftit inkwiet isir ħafna inkwiet jekk ma tiħux ħsieb. Demla (pl. dmiemel) tfisser ulċera.
Meta tiġi iftħilha l-bieb.
Ladarba jibda l-inkwiet, tistħajlu mhu ser jieqaf qatt.
Is-swied il-qalb qatel bosta nies.
L-inkwiet u d-dwejjaq kapaċi jkollhom effett ikrah ħafna fuq il-bniedem, li jista' saħansitra jwassal għall-mewt.
Il-bniedem qatta xewk.
Il-bniedem l-inkwiet jivvintah.
Fl-aħħar tal-mazzita ssib il-qanċlita.
Wara li kollox ikun mar sew, fl-aħħar naqra jinqala' l-inkwiet.
Kulħadd salibu.
Kulħadd għandu l-inkwiet tiegħu ma' xiex iseffaq wiċċu.
Id-dinja ta’ min jaf jeħodha.
Min jaf jieħu l-ħajja kif tiġi jkollu inqas inkwiet.
Id-demla tfaqqas id-dmiemel.
Ftit inkwiet isir ħafna inkwiet jekk ma tiħux ħsieb. Demla (pl. dmiemel) tfisser ulċera.