Kulħadd irid imut, sinjur u fqir.
Ħadd wara Ħadd, fl-aħħar tasal ta’ kulħadd.
Il-mewt lil ħadd ma taħfirha, xi darba tasal.
Kategoriji: il-mewt
Il-bniedem sa ma toħroġ ruħu qalbu ma jaqtagħhiex.
Jeħtieġ li tqawwi qalbek tul il-ħajja kollha.
Il-kaġun quddiem u l-mewt wara.
Il-mewt dejjem tasal kaġun ta' xi ħaġa.
Tiġieġa tal-furmarija jekk ma jmisshiex filgħodu, jmissha filgħaxija.
Kulħadd irid imut xi darba jew oħra. Il-furmarija tfisser l-isptar.
Il-ħajja ħolma.
Il-ħajja qasira ħafna u tgħaddi bħal ħolma.
Il-mewt ma taħfirha lil ħadd.
Il-mewt ma jiskansaha ħadd, u turina li m’aħniex għal dejjem.
Il-ħajja qabel il-mewt.
Sakemm inkunu għadna ħajjin, jeħtieġ li qabelxejn naħsbu kif se ngħixu.
Ibża’ mill-ħajjin mhux mill-mejtin.
Il-mejtin ma jistgħux jagħmlulek ħsara, imma l-ħajjin iva.
Aħna lkoll għal ġol-ħofra.
Il-mewt ma jaħrabha ħadd.
Ħadd mhu għal hawn.
Ħadd ma jgħix għal dejjem.
Għasfur li daħal f’xibka qawwi li joħroġ minnha.
Fejn hemm il-ħajja għad hemm it-tama li l-affarijiet jitranġaw.
Min għandu jmut bil-pesta m’hemmx barrakka għalih.
Id-destin ma taħarbux. Barrakka hija għamla ta' karettun.
Għal min għandu jmut bil-pesta m’hemmx barrakka għalih.
Id-destin ma tistax taħrab minnu.
Il-mewt lil kulħadd tqiegħdu f’postu.
Il-mewt ma jiskansaha ħadd, u turina li m’aħniex għal dejjem.
B’riħ jew riefnu minn hawn irridu nsiefru.
Xi darba jew oħra rridu mmutu.
Il-bniedem twieled għarwien u jindifen liebes jekk ikeffnuh.
Nitwieldu mingħajr ġid materjali u bl-istess mod immutu u ma nieħdu xejn magħna.
L-imwiet għal kulħadd, għall-foqra u l-imwiel.
Fqir jew sinjur, xi darba tmut bħal ħaddieħor. Imwiel hu l-plural ta' mula, u tfisser rikkezzi.
Il-mejjet joħroġ u s-sabar jidħol.
Wara mewtek, ħaddieħor jibda jinsiek bil-mod il-mod.
Il-ħajja ħolma.
Il-ħajja qasira ħafna u tgħaddi bħal ħolma.
Il-mewt ma ġġib rispett lil ħadd.
Il-mewt ma jiskansaha ħadd, u turina li m’aħniex għal dejjem.
Il-mewt mixtieqa taqbeż mit-tieqa.
Aktar kemm tkun tixtieq lil xi ħadd mejjet, aktar idum ma jmut.