Meta ma tgħid xejn taqta' figura aħjar, għax dak li ma tgħidx ma jistgħux jiġġudikawk fuqu.
L-iskola tiswa.
L-iskola tgħin biex wieħed jiftaħ moħħu, kif ukoll biex isib xogħol tajjeb.
L-għira titrod wara l-għaref bħal dellu miegħu.
In-nies jgħiru għal min hu għaref. Titrod tfisser timxi wara (mill-verb tarad).
Il-ħmar jekk ma tagħmillux il-kappestru ma ssuqux.
Lil min hu injorant jeħtieġ li tiggwidah inti biex jimxu l-affarijiet.
Kliem ix-xiħ meħud mill-qiegħ.
Agħti widen lill-anzjani, il-pariri tagħhom imsejsa fuq l-esperjenza tal-ħajja.
Karta f’idejn pastaż, għasfur f’idejn it-tfal.
Min ma jiħux ħsieb jew japprezza dak li għandu huwa injorant.
La teħodhiex ma’ min jaqra fl-istess ktieb.
Tippruvax turi li inti iżjed għaref minn min ilu midħla fil-qasam ħajtu kollha.
L-akbar żball tal-għaref.
Meta għaref jagħmel żball jidher akbar, għax normalment jieħu deċiżjonijiet għaqlija.
Il-mistoqsija oħt il-għerf.
Titgħallem billi tistaqsi u tieħu interess.
Aktar jaf l-iblah f’daru mill-għaref f’dar ħaddieħor.
Min mhux espert iżda jkollu l-esperjenza, xorta jkun jaf iżjed minn espert bla esperjenza.
L-għerf jikber u n-nies teħżien.
Il-bniedem qiegħed kulma jmur isir iżjed għaref, iżda fl-istess ħin qiegħed ukoll isir iżjed makakk u manipulattiv.
Iċ-ċomb jgħum u r-rix jegħreq.
Kollox ta' taħt fuq: min kapaċi jasal qed jibqa' lura u min mhu kapaċi għal xejn qed isib min jaqilgħu.
Iżjed ma wieħed jifhem li hu għaref, hu iblah.
Min hu tassew għaref jirrikonoxxi hu stess kemm ma jaf xejn.
L-għerf kulħadd irid iżommu għalih.
L-egoiżmu tal-bniedem iġiegħlu jżomm kollox għalih, biex ħaddieħor ma jkunx aktar għaref minnu.
Il-parir tax-xiħ żomm fih.
Agħti widen lill-anzjani, il-pariri tagħhom imsejsa fuq l-esperjenza tal-ħajja.
Jekk ma tafx saqsi.
Titgħallem billi tistaqsi u tieħu interess.
But il-fqir ogħna minn rajh.
Min huwa b'edukazzjoni baxxa u m'għandux ħafna flus jispiċċa jonfoq aktar flus milli jdaħħal.
Fid-dinja m’hawnx ħmar fartas.
Peress li l-ħmar qatt ma jitlef xagħru, biċ-ċajt ngħidu li min jiqriegħ sinjal li qed isir għaref!
Mhux iblah daqskemm hu ikrah.
Xi nies taħsibhom boloh minn kif jidhru, iżda ma jkunx il-każ.
L-għerf jirfina u n-nies tirvina.
Il-bniedem qiegħed kulma jmur isir iżjed għaref, iżda fl-istess ħin qiegħed ukoll isir iżjed makakk u manipulattiv.
Ġirja ta’ ħmar taqla’ sinslet id-dahar.
Mingħand nies injoranti ma tistax tistenna affarijiet intelliġenti.
Il-bluha fuq kulħadd u l-għerf ma jilħqu ħadd.
L-għerf huwa impossibbli tilħqu, il-bniedem jgħum fil-bluha biss jaf.