Titgħallem billi tistaqsi u tieħu interess.
L-għerf aqwa mill-qawwa.
Bniedem għaref kapaċi jagħmel ħafna affarijiet, fosthom jieħu ħsieb saħħtu aħjar.
Il-boloh biss ma jaħsbux.
L-iblah jagħmel l-affarijiet bla ħsieb.
Li kieku l-għaref ifutu, l-iblah jgħarraq ruħu.
Mingħajr il-gwida tal-għaref, l-iblah jisfaxxa fix-xejn. Ifutu tfisser jittradih.
Ġrejt daqs żiemel u bqajt lura daqs ħmar.
Meta ma tkunx intelliġenti biżżejjed, tagħmel x'tagħmel dejjem ta' injorant se toħroġ.
Aħjar kemm int ġifa minn kemm int raġel.
Aħjar tilgħabha tal-iblah u tevita l-inkwiet milli tipprova toħroġ ta' bravu u tbati l-konsegwenzi.
L-ebda ħmar mhu fartas.
Hemm min jemmen li min hu qargħi iżjed għaref.
Għall-faqsi xejn la tistaqsi.
Dari kienu jemmnu li min għandu xagħru ħamrani (faqsi) mhux intelliġenti.
L-għaref bl-iżball tgħallem.
Min hu intelliġenti jitgħallem mill-iżbalji tiegħu.
Iblah min ma jitgħallimx.
Il-veru injorant huwa dak li ma jitgħallem qatt.
Ġirja ta’ ħmar taqla’ sinslet id-dahar.
Mingħand nies injoranti ma tistax tistenna affarijiet intelliġenti.
Iblah min ma jitgħallimx.
Il-veru injorant huwa dak li ma jitgħallem qatt.
Faqar il-but minn faqar il-moħħ.
Il-bniedem injorant qatt ma jagħmel il-flus għax moħħu ma jasalx.
Fid-dinja hawn aktar nies imġienen minn nies f’sensihom.
Ħafna nies jaqbdu u jfattru mingħajr ma jaħsbu.
Iżjed ma wieħed jifhem li hu għaref, hu iblah.
Min hu tassew għaref jirrikonoxxi hu stess kemm ma jaf xejn.
Kliem ix-xiħ meħud mill-qiegħ.
Agħti widen lill-anzjani, il-pariri tagħhom imsejsa fuq l-esperjenza tal-ħajja.
Iblah f’daru jaf aħjar minn iblah f’dar ħaddieħor.
Afda lil min taf huwa midħla ta' suġġett, għax jaf aħjar minn ħaddieħor.
L-għaref bl-iżball tgħallem.
Min hu intelliġenti jitgħallem mill-iżbalji tiegħu.
Għall-faqsi xejn la tistaqsi.
Dari kienu jemmnu li min għandu xagħru ħamrani (faqsi) mhux intelliġenti.
L-ebda ħmar mhu fartas.
Hemm min jemmen li min hu qargħi iżjed għaref.
L-għira titrod wara l-għaref bħal dellu miegħu.
In-nies jgħiru għal min hu għaref. Titrod tfisser timxi wara (mill-verb tarad).
Dak li jaħseb li jaf l-iżjed, jaf l-inqas.
Min hu arroganti u jaħseb li bravu ħafna fil-fatt ftit li xejn ikun jaf.