Min għandu naqra sens f'moħħu malajr jagħmel li jrid bl-injorant. Xieref tfisser żiemel xiħ u tieref tfisser bla valur.
L-għerf aqwa mill-qawwa.
Bniedem għaref kapaċi jagħmel ħafna affarijiet, fosthom jieħu ħsieb saħħtu aħjar.
Elf missjunarju ma jdawrux ħaġġieġ.
Min hu injorant mhux se jirraġuna u jbiddel fehmtu. Ħaġġieġ huwa Musulman.
L-għerf ma fihx tarf.
Taf kemm tkun taf, qatt ma taf biżżejjed.
Fejn ma tafx saqsi.
Titgħallem jekk tistaqsi.
Il-bluha fuq kulħadd u l-għerf ma jilħqu ħadd.
L-għerf huwa impossibbli tilħqu, il-bniedem jgħum fil-bluha biss jaf.
Li kieku l-għaref ifutu, l-iblah jgħarraq ruħu.
Mingħajr il-gwida tal-għaref, l-iblah jisfaxxa fix-xejn. Ifutu tfisser jittradih.
L-għerf jirfina u n-nies tirvina.
Il-bniedem qiegħed kulma jmur isir iżjed għaref, iżda fl-istess ħin qiegħed ukoll isir iżjed makakk u manipulattiv.
L-għerf jgħajjar u l-flus ittajjar.
Il-bniedem jippreferi jkun sinjur milli jkun għaref.
Iblah f’daru jaf aħjar minn iblah f’dar ħaddieħor.
Afda lil min taf huwa midħla ta' suġġett, għax jaf aħjar minn ħaddieħor.
La teħodhiex ma’ min jaqra fl-istess ktieb.
Tippruvax turi li inti iżjed għaref minn min ilu midħla fil-qasam ħajtu kollha.
L-għerf ma fihx tarf.
Taf kemm tkun taf, qatt ma taf biżżejjed.
Għaref f’raħlu mhux mismugħ, jitkellmu warajh biex imaqdruh.
Xi membri tal-familja ma jġibulekx rispett.
But il-fqir ogħna minn rajh.
Min huwa b'edukazzjoni baxxa u m'għandux ħafna flus jispiċċa jonfoq aktar flus milli jdaħħal.
Kliem ix-xiħ meħud mill-qiegħ.
Agħti widen lill-anzjani, il-pariri tagħhom imsejsa fuq l-esperjenza tal-ħajja.
Aħjar kemm int ġifa minn kemm int raġel.
Aħjar tilgħabha tal-iblah u tevita l-inkwiet milli tipprova toħroġ ta' bravu u tbati l-konsegwenzi.
Id-daħq f’ħalq il-boloh.
Min jidħaq ta' xejn juri nuqqas ta' intelliġenza.
Il-ħmar jekk ma tagħmillux il-kappestru ma ssuqux.
Lil min hu injorant jeħtieġ li tiggwidah inti biex jimxu l-affarijiet.
Ħmar għama li ma jarax, il-bniedem li jara u ma jaqrax.
Min għandu l-ħila jitgħallem u ma jisfruttahiex, ma jkunx aħjar minn ħmar għami.
Il-bniedem għaqli ma jdurx ma’ kull riħ.
Bniedem rasu fuq għonqu jkun konsistenti f'li jagħmel.
Iblah f’daru jaf aħjar minn iblah f’dar ħaddieħor.
Afda lil min taf huwa midħla ta' suġġett, għax jaf aħjar minn ħaddieħor.
L-għerf jikber u n-nies teħżien.
Il-bniedem qiegħed kulma jmur isir iżjed għaref, iżda fl-istess ħin qiegħed ukoll isir iżjed makakk u manipulattiv.