Min hu arroganti u jaħseb li bravu ħafna fil-fatt ftit li xejn ikun jaf.
Il-ħmar jekk ma tagħmillux il-kappestru ma ssuqux.
Lil min hu injorant jeħtieġ li tiggwidah inti biex jimxu l-affarijiet.
Kategoriji: l-annimali | l-injoranza
Ġirja ta’ ħmar taqla’ sinslet id-dahar.
Mingħand nies injoranti ma tistax tistenna affarijiet intelliġenti.
Id-dinja tħabbtek iżjed minn imgħallmek.
Titgħallem iktar bit-tiġrib tal-ħajja milli bi kwalunkwe ħaġa oħra.
Ix-xieref tieref, ħareġ mingħand il-għaref u daħal għand dak l-iblah.
Min għandu naqra sens f'moħħu malajr jagħmel li jrid bl-injorant. Xieref tfisser żiemel xiħ u tieref tfisser bla valur.
Mhux kull min għandu rasu jġib moħħu fiha.
Mhux kulħadd jaf juża moħħu.
Fid-dinja hawn aktar nies imġienen minn nies f’sensihom.
Ħafna nies jaqbdu u jfattru mingħajr ma jaħsbu.
Miġnun tassew ibża’ minnu, imma miġnun taparsi aħarabu.
Hemm min hu iblah u hemm min jilgħabha tal-iblah biex iqarraq bik.
L-għerf ma fihx tarf.
Taf kemm tkun taf, qatt ma taf biżżejjed.
L-għerf kulħadd irid iżommu għalih.
L-egoiżmu tal-bniedem iġiegħlu jżomm kollox għalih, biex ħaddieħor ma jkunx aktar għaref minnu.
Ħmar għama li ma jarax, il-bniedem li jara u ma jaqrax.
Min għandu l-ħila jitgħallem u ma jisfruttahiex, ma jkunx aħjar minn ħmar għami.
Il-boloh biss ma jaħsbux.
L-iblah jagħmel l-affarijiet bla ħsieb.
Fost il-għomja, min għandu għajn waħda sultan.
Meta tqabbel ħaġa ma oħra trid toqgħod attent u tara l-istampa sħiħa.
L-għaref f’raħlu mhux magħruf.
L-għorrief mhumiex rikonoxxuti fir-raħal tagħhom.
Iżjed ma wieħed jifhem li hu għaref, hu iblah.
Min hu tassew għaref jirrikonoxxi hu stess kemm ma jaf xejn.
Dak li jaħseb li jaf l-iżjed, jaf l-inqas.
Min hu arroganti u jaħseb li bravu ħafna fil-fatt ftit li xejn ikun jaf.
Il-ħażin joħroġ minn dar l-għaref u jidħol f’dar l-iblah.
Il-ħażin jibqa' ħażin għal kulħadd, hu x'inhu l-livell ta' intelliġenza.
Min jaħrat bil-ħmir ma jiħux qoton.
Titlobx l-għajnuna ta' min hu injorant għax xejn ma tieħu.
L-imħatra ta’ Ġaħan dejjem rebbieħa.
Ma' min hu iblah għalxejn tipprova tieħu raġun, tiegħu biss tajjeb.
Aktar jaf l-iblah f’daru mill-għaref f’dar ħaddieħor.
Min mhux espert iżda jkollu l-esperjenza, xorta jkun jaf iżjed minn espert bla esperjenza.
Bufula kiel nemusa, farfar rixu u telaq jgħanni.
Min hu injorant faċli ħafna tikkuntentah.
Ħmar għama li ma jarax, il-bniedem li jara u ma jaqrax.
Min għandu l-ħila jitgħallem u ma jisfruttahiex, ma jkunx aħjar minn ħmar għami.