Is-sajf kabozza tal-fqir.Dari s-sajf kien ikun perjodu fejn min ma kellux biex kien ibati inqas, peress li t-temp ikun isbaħ. Kabozza hija għamla ta’ kowt.
La tislifx lil min ma tistax tħarrek għax titqarraq.Issellifx flus lil min taf li ma jistax iroddhomlok lura, lanqas jekk tiftaħlu kawża l-qorti.
Is-silla kibret u l-ħmar tiegħi ma jsibx jirgħa.Għal xi nies sfortunati, ta' madwarhom ifuru bil-ġid u huma jibqgħu b'xejn.
Meta l-bir ikun miksur, l-ilma fih jintilef u jmur.Mhux biżżejjed li taqla' l-flus, trid tkun kapaċi ma tberbaqhomx.
