Aħjar nagħmillek libsa nkella nitimgħek.Lil min iħobb żaqqu tiffranka l-flus jekk tonfoqlu l-flus fil-ħwejjeġ milli fl-ikel.
Min iraqqa’ jogħla f’daqqa.Min jagħti kas ħwejġu u jieħu ħsiebhom ifaddal iżjed flus minn min il-ħin kollu jixtri l-ġdid.
Il-flus mhumiex ta’ min jagħmilhom, iżda ta’ min igawdihom.Avolja jkollok il-flus, trid tkun taf tgawdihom.
Is-sinjur imutulu t-tfal u l-fqir imutlu l-ħmar.Dari min ma kellux flus u kien imutlu l-ħmar, kienet xi ħaġa kbira - daqslikieku mietlu tifel. Normalment, is-sinjuri kienu jmutulhom it-tfal.
Bil-ġmiel biss ma nimlewx żaqqna.Fl-antik il-flus tad-dota kienu importanti ħafna fiż-żwieġ; is-sbuħija tal-mara ma kenitx biżżejjed.
