Ma tistax tagħmel żewġ affarijiet opposti fl-istess ħin.
Min jislef lill-fqir ikun qed jislef lil Alla.
Min jagħmel karità mal-proxxmu jogħġob lil Alla.
Kategoriji: Alla | ir-reliġjon
Dak li jagħmel Alla ma jħassru ħadd.
Ħadd ma jindaħal fil-pjanijiet li Alla jkollu.
Ma’ Alla ma tiċċajtax.
Alla ma jista' ħadd għalih.
Id-driegħ t’Alla twil.
Alla lil kulħadd jagħtih dak li ħaqqu.
Mewt u xita Alla jaf meta.
Alla biss jiddeċiedi meta niġu fid-dinja u nitilqu minnha.
Afda f’Alla u tħabbilx rasek.
Li hu mnalla jsir, għalxejn tinkwieta.
Alla wieħed u nies wisq.
Fid-dinja hawn ħafna nies, imma ħadd minnhom mhu Alla.
Is-sewwa bin Alla.
Min jagħmel dak li hu sewwa jkun qed jagħmel ir-rieda t’Alla.
Li ġej Alla biss jafu.
Alla biss jaf x'hemm fil-ġejjieni.
In-namar t’Alla jbeżża’.
Dari l-qilla tan-natura (eż. il-maltempati) kienu jeħduha bħala wirja tas-setgħa t'Alla. Namar tfisser għemil.
Alla jibni knisja, ix-xitan itella’ kappella.
Il-ħażin dejjem lest biex jirbaħ fuq it-tajjeb.
Alla jaħseb f’kulħadd.
Alla lil ħadd ma jinsa.
Il-ħila minn Alla u bih kollox isir.
Il-kapaċitajiet tagħna tahomlna Alla.
Jekk għandek jiswielek, u Alla jgħinek bi ġmielek.
Lil min għandu l-flus, id-dinja tidħaqlu.
Alla jagħmel il-ħaqq u jeħlisna minnu.
Alla f’li jagħmel huwa ġust, bit-tama li jeħlisna mill-ġustizzja.
Alla jxiegħel lill-battal.
Donnu x-xogħol Alla jagħtih lil min ma jaħdimx.
Alla wieħed u nies wisq.
Fid-dinja hawn ħafna nies, imma ħadd minnhom mhu Alla.
Alla jagħti l-għama u x-xitan jaħbi l-ixkora.
Aktar ma tkun magħkus, aktar jgħakksuk.
Alla ma jħallasx bin-nhar ta’ Sibt.
Il-kastig ta’ kulħadd jasal xi darba.
It-tiġieġa hi u tixrob tiżżi ħajr ‘l Alla.
Il-ħolqien kollu huwa rikonoxxenti għal dak li tah Alla.
Lil min jigdem Alla ma jtihx snien.
Min jagħmel il-ħażin lill-ħaddieħor, Alla ma jtihx it-tajjeb.