Alla jittratta lil kulħadd l-istess, għax huwa ġust.
Alla jħallas lill-ħażin minn din id-dinja.
Alla jikkastiga lil min ma jindimx minn dnubietu qabel mewtu.
Alla ma jsawwatx u jerġa’.
Alla jikkastigana daqs kemm iħenn għalina.
Għas-swar t’Alla m’hemmx kanuni.
Ħadd ma jista' għal Alla.
Alla wieħed u nies ħafna.
Fid-dinja hawn ħafna nies, imma ħadd minnhom mhu Alla.
Alla wieħed u nies wisq.
Fid-dinja hawn ħafna nies, imma ħadd minnhom mhu Alla.
Alla min jagħtih ħaġa u min jagħtih oħra.
Alla lil ħadd ma jinsa.
Alla jħarsek minn min għandu ħuġbejn kbar.
Alla jħarsek min-nies aggressivi.
Alla meta ħalaq il-flus qal: “Se noħloq ħaġa għeżeż minni!”
In-nies jagħmew bil-flus u jinsew lil Alla.
Alla ma jħallasx bin-nhar ta’ Sibt.
Il-kastig ta’ kulħadd jasal xi darba.
Alla jagħti l-għama u x-xitan jaħbi l-ixkora.
Aktar ma tkun magħkus, aktar jgħakksuk.
Is-sewwa bin Alla.
Min jagħmel dak li hu sewwa jkun qed jagħmel ir-rieda t’Alla.
Alla fettieħi, Alla għajjur; Alla nebbieħi u ma’ kulħadd idur.
Alla juri mħabba kbira lejn kulħadd.
Aħfer biex Alla l-imbierek jaħfirlek.
L-ewwel aħfer lil għajrek biex Alla jaħfirlek.
Għin ruħek biex Alla jgħinek.
Trid tagħmel ħiltek ukoll biex l-affarijiet jirnexxu.
Alla qabel ilaqqa’, ixebbah.
Qabel ma jlaqqa’ lin-nies, Alla jara li jkollhom karattru jixxiebah.
Alla b’waħda jagħtina u bl-oħra jżiegħel bina.
Alla jikkastigana daqs kemm iħenn għalina.
Fuq Alla ma hemm ħadd.
Il-bniedem qatt m'għandu jaħseb li huwa aħjar minn Alla.
Il-bniedem jipproponi u Alla jiddisponi.
Il-bniedem jippjana iżda Alla jiddeċiedi dak li jseħħ.
Alla lill-bniedem iħallsu skont qalbu.
Alla jippremja jew jikkastiga skont l-imġiba tal-bniedem.
Alla jħarsek minn min jgħid Armajn.
Alla jħarsek minn min ma jżommx kelmtu miegħek.