Alla lil kulħadd iħares.
Alla fejn iridek isibek.
Tagħmel x’tagħmel, il-mewt ma taħrabhiex.
Alla jibni knisja, ix-xitan itella’ kappella.
Il-ħażin dejjem lest biex jirbaħ fuq it-tajjeb.
Il-ħaqq u s-sewwa ħarġu minn fomm Alla.
Alla jrid il-ġustizzja u s-sewwa.
Min ħabb lil Alla u r-reġina ma batiex.
Min ġab rispett lil Alla u obda l-liġi ma kellux problemi.
Alla ’l min għandu jqawwih, u ’l min m’għandux jhennih.
Alla jittratta lil kulħadd l-istess, għax huwa ġust.
Alla fina, aħna fih; kulma jagħmel għalina, kulma nagħmlu għalih.
Alla qiegħed kullimkien, u li jagħmel huwa għalina nagħmlu aħna għalih.
Alla ma jħallasx kull nhar ta’ Sibt.
Il-kastig ta’ kulħadd jasal xi darba.
Alla mas-skaren u mat-tfal.
Alla jieħu ħsieb tas-sakranazzi u tat-tfal.
Alla ’l min jitilqu jagħtih il-kuntentizza ta’ did-dinja.
Alla donnu ma jagħtix kas lil min jitilqu billi jagħtih kollox.
Alla fejn iridek isibek.
Tagħmel x’tagħmel, il-mewt ma taħrabhiex.
Il-mewt u l-ħajja f’idejn Alla.
Alla biss jiddeċiedi meta niġu fid-dinja u nitilqu minnha.
Għas-swar t’Alla m’hemmx kanuni.
Ħadd ma jista' għal Alla.
Dak li jagħmel Alla ma jħassru ħadd.
Ħadd ma jindaħal fil-pjanijiet li Alla jkollu.
Ir-reliġjon tqawwi r-ruħ kontra kull dwejjaq.
Ir-reliġjon tagħti t-tama lill-bniedem.
Meta Alla jtina l-bqija tax-xita, l-ilbies tas-sbul jitwal ’il fuq mill-komma.
Il-qamħ ikompli jikber meta x-xita tagħmel f'waqtha.
Alla ma jsawwatx u jerġa’.
Alla jikkastigana daqs kemm iħenn għalina.
Alla ’l min jitilqu jagħtih il-kuntentizza ta’ did-dinja.
Alla donnu ma jagħtix kas lil min jitilqu billi jagħtih kollox.
Alla ma jħallasx bin-nhar ta’ Sibt.
Il-kastig ta’ kulħadd jasal xi darba.
In-namar t’Alla jbeżża’.
Dari l-qilla tan-natura (eż. il-maltempati) kienu jeħduha bħala wirja tas-setgħa t'Alla. Namar tfisser għemil.
Min ħabb lil Alla u r-reġina ma batiex.
Min ġab rispett lil Alla u obda l-liġi ma kellux problemi.