In-nies wiċċ b’ieħor li jilagħbuha tal-qaddisin warrbilhom. Kuruna tfisser kuruna tar-rużarju.
Il-giddieb irid ikun egħref mill-kittieb.
Min jigdeb bil-fomm irid jagħmel skorz ikbar minn min ikun gideb bil-miktub biex jiftakar xi jkun qal u ma jinqabadx.
Id-duħħan sinjal li hemm in-nar.
Xi ftit verità jkun hemm fit-tqasqis tan-nies.
Ara b’għajnejk u tmissx b’idejk.
Titlobx iżjed provi meta diġà rajt b'għejnejk stess.
Il-giddieb mhux emmnut.
Jekk tinqabad tigdeb, ħadd ma jibqa' jemmnek.
Il-giddieb u ż-żibel kullimkien issibhom.
In-nies giddibin huma komuni u moqżieża daqs iż-żibel.
Mhux kull min għandu snienu bojod jiekol il-ġobon.
L-apparenza tqarraq bik.
Ħadd m’għandu suf f’qiegħ idu.
L-integrità u l-onestà saru tassew rari llum il-ġurnata.
Biex taqta’ l-għatx trid tmur f’ras il-għajn.
Saqsi direttament lil min kien involut f'xi ħaġa biex tkun taf il-verità.
Mhux kull tbissima tislima.
Mhux kull min jitbissimlek jew jidħaqlek jixtieqlek il-ġid.
La ħarġet minn qalbi, ħarġet minn fommi.
Kun sinċier, għidha kif tħossha.
Il-giddieb malajr jinqabad.
Min jigdeb ma jdumx ma jinqabad.
Għid dejjem is-sewwa.
Sabiħ li tgħid il-verità.
Mhux dak biss li joħroġ jisraq billejl jissejjaħ ħalliel.
Hemm diversi modi kif tisraq, fosthom billi tbigħ jew tagħti servizz bi prezzijiet qarrieqa.
L-għadu biex fietek biesek, u int biex tfutu aqleb fuqu.
Min taf li jurik wiċċ b'ieħor, ilgħab il-logħba tiegħu u kompli miegħu. Il-verb fiet ifisser li tqarraq b'xi ħadd.
Is-sewwa m’hemmx isbaħ minnu.
Dejjem kun onest u għid il-verità.
Il-kuruna fl-idejn tgħodd u mhux fil-but.
In-nies wiċċ b’ieħor li jilagħbuha tal-qaddisin warrbilhom. Kuruna tfisser kuruna tar-rużarju.
Biex taqta’ sewwa trid tisma’ ż-żewġ naħiet.
Trid tisma' lil kull min kien involut f'xi ħaġa biex tasal għall-konklużjoni t-tajba.
Il-giddieb mhux emmnut.
Jekk tinqabad tigdeb, ħadd ma jibqa' jemmnek.
Mill-milja tal-qalb jitkellem il-fomm.
Min hu onest ma jibżax jesprimi ruħu, għax ikun qed jgħid il-verità.
Is-sewwa agħraġ iżda jimxi ‘l quddiem.
Il-verità ddum ma toħroġ iżda xi darba tasal ukoll, bħaz-zopp (= agħraġ) li jdum ma jasal fejn jixtieq.