Tħalli lil ħadd iqarraq bik aktar minn darba. Tafdax.
F’kull għemilek aħseb dejjem x’jiġri wara.
Żomm f’moħħok il-konsegwenzi ta’ azzjonitek qabel tagħmel xi ħaġa.
Kategoriji: il-prudenza | is-sens komun
Is-siġra ma tagħmilx frott barra minn żmienha.
Fid-dinja kollox f'ħinu u f'waqtu, bħaċ-ċiklu tan-natura.
Il-ftira sħuna tajba.
Agħmel li għandek tagħmel mill-ewwel u taħlix żmien.
Kull żmien żmienu.
Jeħtieġ li tadatta għal kull sitwazzjoni u ċirkostanza.
La tiddinx qabel ma tarah jisbaħ.
Qabel ma tħalli l-ħsibijiet tiegħek jiġru bik, qis il-fatti kollha u stenna sal-aħħar.
Kollox jiġi f’waqtu.
Hemm il-ħin u l-mument it-tajjeb għal kollox.
Għaddi dejjem mnejn jgħaddi l-ħmar u ma jibdilekx.
Jekk tagħmel bħal ħaddieħor ma tiżbaljax.
Biex tagħmel l-arja jrid ikollok biex.
Irid ikollok raġuni tajba biex tiftaħar b'xi ħaġa.
Aħxen il-komma mid-driegħ, jekklile huwa u dieħel jaqsamha.
Jekk il-komma tkun iżgħar mid-driegħ, id-driegħ ma jidħolx. Bl-istess mod, għandek tadatta skont is-sitwazzjoni.
Dak li għandek tirhan bigħu.
Jekk għandek xi ħaġa x'tagħmel agħmilha minnufih.
La ħablet jeħtiġilha tiled.
Kulma tagħmel għandu l-konsegwenzi tiegħu.
Dak li ma kienx għad jista’ jkun.
Dak li ma ġarax il-passat jista' jiġri fil-futur.
Aħseb dejjem x’jiġi wara.
Żomm f'moħħok il-konsegwenzi ta' azzjonitek qabel tagħmel xi ħaġa.
Il-munxar għana u l-qaduma ħala.
Kun effiċjenti, bħas-serrieq (= munxar) li huwa iżjed effiċjenti mill-mannara (= qaduma).
Kull qoffa għandha miżblitha.
Kulħadd għandu l-preferenzi tiegħu.
Imżaqq tajjeb isemmen.
L-ikel (= imżaqq) tajjeb iħaxxen.
Aktar hu ħafif biex taqa’ milli biex tqum.
Faċli iżjed tiżbalja milli ġġibha tajba.
Kull barrani jibża’ minn ta’ qattagħni.
Meta ma nkunux f'post jew sitwazzjoni li mdorrijin fiha, nibżgħu u noqogħdu iżjed attenti.
Fil-borma fula niexfa u fit-taġen fula xierfa.
Ir-riżultat huwa determinat minn dak li tiddeċiedi li tagħmel inti.
Il-ħobż minn ħalqi nieklu.
M'iniex injorant daqs kemm qed taħsibni, naf x'għandi nagħmel.
Il-lejl għal-lpup.
Toħroġx tiġri barra billejl, evita l-periklu. Lpup huwa l-plural ta' lupu.