Fil-bżonn, ħabib li jaqilgħek jiswiek iżjed mill-flus.
Kulħadd ifaħħar il-bejgħa tiegħu.
Ħadd ma joqgħod iwaqqa' lilu nnifsu biex jidher agħar minn ħaddieħor.
Kategoriji: in-negozju
Il-bejgħ konġunturi u ż-żwieġ bin-namuri.
Fin-negozju hemm element ta' xorti, iżda fiż-żwieġ jew hemm l-imħabba jew m'hemmx.
L-għajta nofs il-bejgħ.
Li tirreklama s-servizzi jew in-negozju tiegħek ukoll importanti biex tirnexxi.
Min iħallas qabel xogħol ħażin jieħu.
Tħallasx wisq flus minn qabel għal dak li tkun ordnajt għax ix-xogħol ma jagħmluhulekx sew.
Kulħadd jiftaħar bil-bejgħa tiegħu.
Ħadd ma joqgħod iwaqqa' lilu nnifsu biex jidher agħar minn ħaddieħor.
Bejjiegħ b’għajn waħda, xerrej b’seba’ għajnejn.
Min ibigħ jaf ikun irid jeħles mill-oġġett akkost ta' kollox, u għalhekk ix-xerrej għandu joqgħod attent biex ma jitqarraqx.
Meta raġel iżiegħed il-but, ħajtu dejjem f’xifer ix-xtut.
Meta tkun stabene u ġidek dejjem jiżdied (= iżiegħed il-but), dejjem għandek ir-riskju li jisirquk jew jagħmlulek xi tip ta' vendikazzjoni.
Il-kejl u l-għadd ma jistħu minn ħadd.
Kejjel u għodd bi preċiżjoni biex tkun taf l-affarijiet tiegħek u ma jqarrqux bik.
Mal-ħbieb m’hemmx negozju.
Il-ħbiberija mhix kumpatibbli man-negozju u l-flus.
Il-kont u l-għadd ma jistħu minn ħadd.
Ikkontja u għodd bi preċiżjoni biex tkun taf l-affarijiet tiegħek u ma jqarrqux bik.
Aħjar ħabib fis-suq minn mitt skud fis-senduq.
Fil-bżonn, ħabib li jaqilgħek jiswiek iżjed mill-flus.
La tixtrix ħut fil-baħar.
Tħallasx flus qabel ma tara l-oġġett f'idejk.
Fir-roħs ixtri, fil-għoli bigħ.
Fin-negozju, meta tixtri bl-irħis u tbigħ bl-għoli, tmur minn fuq.
L-abjad xommu u erfgħu.
Drapp abjad malajr jitħammeġ, trid tieħu iżjed ħsiebu.
Mill-ħabba ssir ċinkwina u miċ-ċinkwina jsir il-karlin.
Meta l-flus tħaddimhom tajjeb (f'investimenti, eċċ.) jiżdiedu. Ċinkwina kienet tiswa ħames ħabbiet u karlin kien jiswa għaxar ħabbiet; huma flus li kienu jintużaw Malta fi żmien il-ħakma Ingliża.
Min imaqdar irid jixtri.
Min imaqdar xi ħaġa, sinjal li jkun qed jipprova jwaqqgħalha l-valur bit-tama li jakkwistaha jew jixtriha (għax fil-verità tinteressah imma ma jridx juri).
L-ispirtu raġel min ibigħu, jgħid is-sakran.
L-alkoħol jagħmel ħsara kbira lil min għandu l-vizzju tiegħu, iżda jqalla' ħafna flus lin-negozjant li jġibu.
Ix-xorb raġel min ibigħu, mhux min jixorbu.
Min ibigħ ix-xorb jaqla' ħafna flus, iżda minn jikkunsmah ibati għax saħħtu tmur lura.
Mal-ħbieb m’hemmx negozju.
Il-ħbiberija mhix kumpatibbli man-negozju u l-flus.
La tixtrix ħut fil-baħar.
Tħallasx flus qabel ma tara l-oġġett f'idejk.
Il-kejl u l-għadd ma jistħu minn ħadd.
Kejjel u għodd bi preċiżjoni biex tkun taf l-affarijiet tiegħek u ma jqarrqux bik.