Xi nisa jaslu li jagħmlu minn kollox għall-flus. Il-ħwietem huma ċ-ċrieket.
Jekk tagħmel il-qarn, agħmlu tad-deheb.
Jekk se tipprostitwixxi ruħek, aqla' flus kemm tiflaħ.
Kategoriji:
Xi wħud mill-qwiel b’rabta man-nisa u l-irġiel jagħtuna perspettiva antikwata tar-rwoli tagħhom fis-soċjetà, u ma jirriflettux neċessarjament il-valuri moderni. Ħudhom għaldaqstant minn lenti storika. Apprezza r-rikkezza lingwistika u kulturali waqt li żżomm f’moħħok li ż-żminijiet u l-attitudnijiet inbidlu.
Mara li tkellmek tidħaq, trid tqarraq bik; dik li tkellmek tibki, tkun qarrqet bik.
Il-mara tkun lesta tqarraq bir-raġel f’kull ħin.
Ir-raġel qalbu qaqoċċa; jagħti werqa lil kulħadd imma l-qalba jagħtiha lill-mara.
Il-mara dejjem għandha post speċjali f’qalb żewġha.
Raġel bil-għaqal ma jdurx ma’ kull riħ.
Raġel għandu jkollu prinċipji.
In-nisa kollha fisa.
In-nisa jgħidu ħafna u ma tistax tafdahom.
Għaġin u torti u nbid bil-kwarti, u aħjar żaqqi minn żaqq marti.
Ċerti rġiel moħħhom biex jixxalaw u jiddevertu u lil marthom jinsewha.
Meta l-mara tiddebbel xagħarha jiżżebbel.
Mara li tintelaq (= tiddebbel) għax ma tiħux ħsieb l-apparenza tagħha tkun tidher. Jiżżebbel jiġifieri jitħammeġ.
Meta tasallek il-ħasla tħabrek l-għażla.
Darba fix-xahar il-mara tkun taf inqabditx tqila, skont jiġihiex demm (= il-ħasla).
Raġel ħaddiem jiswa għal tnejn.
Raġel li kapaċi f’xogħlu jtella’ ħafna xogħol.
Il-ġuvni bandiera bajda.
Ġuvni jeħlisha eħfef minn xebba meta jagħmel xi ħaġa ħażina.
Is-subien jaħsbu fix-xwieni u l-bniet jaħsbu fil-ġejjieni.
Dari s-subien kienu jfittxu xogħol fuq il-baħar, mentri l-bniet kienu jaħsbu biex ikollhom familja.
Ir-raġel ma jinsiehx raġel għax miżżewweġ.
Iż-żwieġ ma jibdilx il-karattru tan-nies.
Kerha fin-nieqa, sbejħa fit-tieqa.
Meta tifla timmatura u ssir żagħżugħa, kapaċi tisbieħ.
Id-dbielet twal ikarkru t-trab, imma d-dbielet qosra jkarkru l-erwieħ.
In-nisa għandhom jilbsu onest.
Il-mara hi bħal tuffieħa, minn ġewwa mherrija u minn barra sabiħa.
Mara sabiħa mhux bilfors ikollha karattru sabiħ.
Il-mara li tilbes imqaċċat, max-xitan għamlet rabta.
Mara tal-affari tagħha dejjem tilbes deċenti.
Raġel bil-għaqal ma jdurx ma’ kull riħ.
Raġel għandu jkollu prinċipji.
Ir-raġel jiżra’ mtira u l-mara tagħmillu ftira.
Ir-raġel jaħdem fl-għalqa u martu ġġiblu x’jiekol. Mtira hija biċċa art.
Ir-raġel tiegħek sal-kantuniera.
Mara m’għandha qatt taqla’ għajnejha minn fuq żewġha.
Raġel ħaddiem jiswa għal tnejn.
Raġel li kapaċi f’xogħlu jtella’ ħafna xogħol.
Id-dmugħ tal-mara bħall-bnazzi fix-xitwa.
Id-dmugħ tal-mara, dmugħ tal-kukkudrilli.