L-iblah jifraħ bil-ħsara li tagħmillu.
La teħodhiex ma’ min jaqra fl-istess ktieb.
Tippruvax turi li inti iżjed għaref minn min ilu midħla fil-qasam ħajtu kollha.
Kategoriji: l-għerf
Fid-dinja hawn aktar nies imġienen minn nies f’sensihom.
Ħafna nies jaqbdu u jfattru mingħajr ma jaħsbu.
L-akbar żball tal-għaref.
Meta għaref jagħmel żball jidher akbar, għax normalment jieħu deċiżjonijiet għaqlija.
Aħjar kemm int ġifa minn kemm int raġel.
Aħjar tilgħabha tal-iblah u tevita l-inkwiet milli tipprova toħroġ ta' bravu u tbati l-konsegwenzi.
Fost il-għomja, min għandu għajn waħda sultan.
Meta tqabbel ħaġa ma oħra trid toqgħod attent u tara l-istampa sħiħa.
Bufula kiel nemusa, farfar rixu u telaq jgħanni.
Min hu injorant faċli ħafna tikkuntentah.
Li kieku l-għaref ifutu, l-iblah jgħarraq ruħu.
Mingħajr il-gwida tal-għaref, l-iblah jisfaxxa fix-xejn. Ifutu tfisser jittradih.
L-għerf aqwa mill-qawwa.
Bniedem għaref kapaċi jagħmel ħafna affarijiet, fosthom jieħu ħsieb saħħtu aħjar.
L-għaref bl-iżball tgħallem.
Min hu intelliġenti jitgħallem mill-iżbalji tiegħu.
L-imħatra ta’ Ġaħan dejjem rebbieħa.
Ma' min hu iblah għalxejn tipprova tieħu raġun, tiegħu biss tajjeb.
L-għaref bl-iżball tgħallem.
Min hu intelliġenti jitgħallem mill-iżbalji tiegħu.
Għaref f’raħlu mhux mismugħ, jitkellmu warajh biex imaqdruh.
Xi membri tal-familja ma jġibulekx rispett.
Ġirja ta’ ħmar taqla’ sinslet id-dahar.
Mingħand nies injoranti ma tistax tistenna affarijiet intelliġenti.
Li kieku l-għaref ifutu, l-iblah jgħarraq ruħu.
Mingħajr il-gwida tal-għaref, l-iblah jisfaxxa fix-xejn. Ifutu tfisser jittradih.
Aħjar kemm int ġifa minn kemm int raġel.
Aħjar tilgħabha tal-iblah u tevita l-inkwiet milli tipprova toħroġ ta' bravu u tbati l-konsegwenzi.
L-għira titrod wara l-għaref bħal dellu miegħu.
In-nies jgħiru għal min hu għaref. Titrod tfisser timxi wara (mill-verb tarad).
Iċ-ċomb jgħum u r-rix jegħreq.
Kollox ta' taħt fuq: min kapaċi jasal qed jibqa' lura u min mhu kapaċi għal xejn qed isib min jaqilgħu.
Bil-għelm u l-għalm isir raġel.
Nikbru u nimmaturaw billi nitgħallmu u nħaddmu dak li tgħallimna.
Fid-dinja hawn aktar nies imġienen minn nies f’sensihom.
Ħafna nies jaqbdu u jfattru mingħajr ma jaħsbu.
Faqar il-but minn faqar il-moħħ.
Il-bniedem injorant qatt ma jagħmel il-flus għax moħħu ma jasalx.
But il-fqir ogħna minn rajh.
Min huwa b'edukazzjoni baxxa u m'għandux ħafna flus jispiċċa jonfoq aktar flus milli jdaħħal.