Min hu injorant mhux se jirraġuna u jbiddel fehmtu. Ħaġġieġ huwa Musulman.
Fid-dinja hawn aktar nies imġienen minn nies f’sensihom.
Ħafna nies jaqbdu u jfattru mingħajr ma jaħsbu.
Kategoriji: l-għerf | l-injoranza
L-għerf jikber u n-nies teħżien.
Il-bniedem qiegħed kulma jmur isir iżjed għaref, iżda fl-istess ħin qiegħed ukoll isir iżjed makakk u manipulattiv.
Għaref f’raħlu mhux mismugħ, jitkellmu warajh biex imaqdruh.
Xi membri tal-familja ma jġibulekx rispett.
L-għaref f’raħlu mhux magħruf.
L-għorrief mhumiex rikonoxxuti fir-raħal tagħhom.
Ġirja ta’ ħmar taqla’ sinslet id-dahar.
Mingħand nies injoranti ma tistax tistenna affarijiet intelliġenti.
La teħodhiex ma’ min jaqra fl-istess ktieb.
Tippruvax turi li inti iżjed għaref minn min ilu midħla fil-qasam ħajtu kollha.
Il-ħmar xi daqqiet jitla’ mal-arblu.
Anke min ma tantx hu intelliġenti kultant jissorprendina.
Ħmar għama li ma jarax, il-bniedem li jara u ma jaqrax.
Min għandu l-ħila jitgħallem u ma jisfruttahiex, ma jkunx aħjar minn ħmar għami.
Aħjar kemm int ġifa minn kemm int raġel.
Aħjar tilgħabha tal-iblah u tevita l-inkwiet milli tipprova toħroġ ta' bravu u tbati l-konsegwenzi.
Kliem ix-xiħ meħud mill-qiegħ.
Agħti widen lill-anzjani, il-pariri tagħhom imsejsa fuq l-esperjenza tal-ħajja.
Iżjed ma wieħed jifhem li hu għaref, hu iblah.
Min hu tassew għaref jirrikonoxxi hu stess kemm ma jaf xejn.
La teħodhiex ma’ min jaqra fl-istess ktieb.
Tippruvax turi li inti iżjed għaref minn min ilu midħla fil-qasam ħajtu kollha.
Mhux kull min għandu rasu għandu moħħu.
Mhux kulħadd jaf juża moħħu.
Ħmar għama li ma jarax, il-bniedem li jara u ma jaqrax.
Min għandu l-ħila jitgħallem u ma jisfruttahiex, ma jkunx aħjar minn ħmar għami.
L-ebda ħmar mhu fartas.
Hemm min jemmen li min hu qargħi iżjed għaref.
Għall-faqsi xejn la tistaqsi.
Dari kienu jemmnu li min għandu xagħru ħamrani (faqsi) mhux intelliġenti.
L-għorrief ħasbuha u l-boloh għamluha.
Min hu għaref ma jaqbadx u jagħmel kulma jiġih f'moħħu, bħall-iblah.
Mhux kull min għandu rasu għandu moħħu.
Mhux kulħadd jaf juża moħħu.
L-iblah jaqla’ għajnu u jifraħ.
L-iblah jifraħ bil-ħsara li tagħmillu.
Distratt il-għaref, jaf x’inhu jagħmel il-ħmar?
Anke min hu intelliġenti ma jafx xi jrid isir, aħseb u ara min hu injorant.
Kliem ix-xiħ meħud mill-qiegħ.
Agħti widen lill-anzjani, il-pariri tagħhom imsejsa fuq l-esperjenza tal-ħajja.