Aħjar tilgħabha tal-iblah u tevita l-inkwiet milli tipprova toħroġ ta' bravu u tbati l-konsegwenzi.
Bil-għelm u l-għalm isir raġel.
Nikbru u nimmaturaw billi nitgħallmu u nħaddmu dak li tgħallimna.
Iblah min ma jitgħallimx.
Il-veru injorant huwa dak li ma jitgħallem qatt.
Fejn ma tafx saqsi.
Titgħallem jekk tistaqsi.
Bufula kiel nemusa, farfar rixu u telaq jgħanni.
Min hu injorant faċli ħafna tikkuntentah.
Il-kotba mill-kotob u l-kotob kitbuhom il-bnedmin.
Il-kotba jinkitbu mill-bnedmin, jiġifieri xorta jista' jkun fihom l-iżbalji. Kotob tfisser kotba wkoll.
Iċ-ċomb jgħum u t-tiben jegħreq.
Kollox ta' taħt fuq: min kapaċi jasal qed jibqa' lura u min mhu kapaċi għal xejn qed isib min jaqilgħu.
Il-boloh biss ma jaħsbux.
L-iblah jagħmel l-affarijiet bla ħsieb.
Fid-dinja m’hawnx ħmar fartas.
Peress li l-ħmar qatt ma jitlef xagħru, biċ-ċajt ngħidu li min jiqriegħ sinjal li qed isir għaref!
Elf missjunarju ma jdawrux ħaġġieġ.
Min hu injorant mhux se jirraġuna u jbiddel fehmtu. Ħaġġieġ huwa Musulman.
Faqar il-but minn faqar il-moħħ.
Il-bniedem injorant qatt ma jagħmel il-flus għax moħħu ma jasalx.
Dak li jaħseb li jaf l-iżjed, jaf l-inqas.
Min hu arroganti u jaħseb li bravu ħafna fil-fatt ftit li xejn ikun jaf.
Ġurdien xiħ ma jmissux il-ġobon.
L-esperjenza tal-ħajja tgħallmek tħaddem moħħok u tkun makakk.
Il-parir tax-xiħ żomm fih.
Agħti widen lill-anzjani, il-pariri tagħhom imsejsa fuq l-esperjenza tal-ħajja.
Għaref f’raħlu mhux mismugħ, jitkellmu warajh biex imaqdruh.
Xi membri tal-familja ma jġibulekx rispett.
Bil-qari wieħed jitgħallem.
Issir għaref permezz tal-qari.
Distratt il-għaref, jaf x’inhu jagħmel il-ħmar?
Anke min hu intelliġenti ma jafx xi jrid isir, aħseb u ara min hu injorant.
Fid-dinja m’hawnx ħmar fartas.
Peress li l-ħmar qatt ma jitlef xagħru, biċ-ċajt ngħidu li min jiqriegħ sinjal li qed isir għaref!
Iblah f’daru jaf aħjar minn iblah f’dar ħaddieħor.
Afda lil min taf huwa midħla ta' suġġett, għax jaf aħjar minn ħaddieħor.
Fid-dinja hawn aktar nies imġienen minn nies f’sensihom.
Ħafna nies jaqbdu u jfattru mingħajr ma jaħsbu.
Iċ-ċomb jgħum u r-rix jegħreq.
Kollox ta' taħt fuq: min kapaċi jasal qed jibqa' lura u min mhu kapaċi għal xejn qed isib min jaqilgħu.
Id-dinja tħabbtek iżjed minn imgħallmek.
Titgħallem iktar bit-tiġrib tal-ħajja milli bi kwalunkwe ħaġa oħra.