Aħjar tilgħabha tal-iblah u tevita l-inkwiet milli tipprova toħroġ ta' bravu u tbati l-konsegwenzi.
Aħjar titgħallem spejjeż ta’ ħaddieħor milli titgħallem spejjeż tiegħek.
Tbati inqas jekk titgħallem mill-iżbalji ta' ħaddieħor.
Kategoriji: l-għerf
Distratt il-għaref, jaf x’inhu jagħmel il-ħmar?
Anke min hu intelliġenti ma jafx xi jrid isir, aħseb u ara min hu injorant.
Il-boloh biss ma jaħsbux.
L-iblah jagħmel l-affarijiet bla ħsieb.
L-għira titrod wara l-għaref bħal dellu miegħu.
In-nies jgħiru għal min hu għaref. Titrod tfisser timxi wara (mill-verb tarad).
Għaref f’raħlu mhux mismugħ, jitkellmu warajh biex imaqdruh.
Xi membri tal-familja ma jġibulekx rispett.
Ġurdien xiħ ma jmissux il-ġobon.
L-esperjenza tal-ħajja tgħallmek tħaddem moħħok u tkun makakk.
Fid-dinja hawn aktar nies imġienen minn nies f’sensihom.
Ħafna nies jaqbdu u jfattru mingħajr ma jaħsbu.
Ġrejt daqs żiemel u bqajt lura daqs ħmar.
Meta ma tkunx intelliġenti biżżejjed, tagħmel x'tagħmel dejjem ta' injorant se toħroġ.
Il-parir tax-xiħ żomm fih.
Agħti widen lill-anzjani, il-pariri tagħhom imsejsa fuq l-esperjenza tal-ħajja.
Bil-għelm u l-għalm isir raġel.
Nikbru u nimmaturaw billi nitgħallmu u nħaddmu dak li tgħallimna.
L-għira titrod wara l-għaref bħal dellu miegħu.
In-nies jgħiru għal min hu għaref. Titrod tfisser timxi wara (mill-verb tarad).
Ġrejt daqs żiemel u bqajt lura daqs ħmar.
Meta ma tkunx intelliġenti biżżejjed, tagħmel x'tagħmel dejjem ta' injorant se toħroġ.
Aktar jaf l-iblah f’daru mill-għaref f’dar ħaddieħor.
Min mhux espert iżda jkollu l-esperjenza, xorta jkun jaf iżjed minn espert bla esperjenza.
L-għerf jgħajjar u l-flus ittajjar.
Il-bniedem jippreferi jkun sinjur milli jkun għaref.
Il-parir tax-xiħ żomm fih.
Agħti widen lill-anzjani, il-pariri tagħhom imsejsa fuq l-esperjenza tal-ħajja.
Dak li jaħseb li jaf l-iżjed, jaf l-inqas.
Min hu arroganti u jaħseb li bravu ħafna fil-fatt ftit li xejn ikun jaf.
Il-bluha fuq kulħadd u l-għerf ma jilħqu ħadd.
L-għerf huwa impossibbli tilħqu, il-bniedem jgħum fil-bluha biss jaf.
Dak li jaħseb li jaf l-iżjed, jaf l-inqas.
Min hu arroganti u jaħseb li bravu ħafna fil-fatt ftit li xejn ikun jaf.
Fid-dinja m’hawnx ħmar fartas.
Peress li l-ħmar qatt ma jitlef xagħru, biċ-ċajt ngħidu li min jiqriegħ sinjal li qed isir għaref!
Iċ-ċomb jgħum u r-rix jegħreq.
Kollox ta' taħt fuq: min kapaċi jasal qed jibqa' lura u min mhu kapaċi għal xejn qed isib min jaqilgħu.
Id-dinja tħabbtek iżjed minn imgħallmek.
Titgħallem iktar bit-tiġrib tal-ħajja milli bi kwalunkwe ħaġa oħra.